倬而事件簿

上記の広告は１ヶ月以上更新のないブログに表示されています。
新しい記事を書く事で広告が消せます。

6月尾7月頭被爸爸突然入院的消息差點嚇破了膽‧幸好經過一輪休養, 現在身體已沒有大礙了‧

7月中, 利用了整整3個星期, 重新整理家, 將雜物房變為寵物房, 將客廳同書櫃來個乾坤大挪移，現在書櫃/大層架在電視櫃兩旁, 梳化即在廳中近門口的位置, 書枱即倚着睡房門旁。
掉了很多東西呢~~~~大部份送了給救世軍, HiFi仔就賣了給收買佬‧有小部份就送了給朋友仔同埋師姊妹。

大混戰的7月, 我仲可以睇左2次大唐雙龍傳同埋尋秦記的小說，小說是在爸爸家搬來的呢, 重得很呢 !!!

8月, 開學了, 因為6月中的流感假, 6月底的提早休學, 令我的收入大減了, 開支壓力很大啊! 幸好, 之前的雜耍班幫補了不少, 但照顧爸爸的額外開支( 7月頭隔天請飯堂阿姐幫我幫煲魚湯, 7月中隔幾天就一煲,8月每星期一煲, 每餐仲要有美味大魚, 每次收費$130) 真的令我有點吃力呢 !
開學代表有收入,但唔代表收得足, 有些小朋友升中學了, 我又不會補中學‧有些小朋友又回鄉下過暑假, 要8月底才回來呢! 所以開支依然緊縮‧但自己又唔挣氣, 係都要買新玩意回家, 今勻真是自已攞黎。

經過終於認真的計算,收支平衡有望11月才得以改善。

咦!是咪有人諗住好像往年咁, 9月底10月來個大拚搏 ?
當然不是啦。一來, 我沒有遞表。二來, 我上年已講過就算今年沒有錢, 我也不會了, 因為我的身體真的吃不消了 !

所以我會努力減省消費, 加油 !!!

続きを読む

話說真係好耐冇寫blog, 人間蒸發左。
成個５月都處於有點忙又不太忙，起碼有時間行街shopping，洗左勁多錢買衫，又買左部空氣清機。
不過５月尾的這兩天，就不太好過了，因為鼻敏感係消失左５、６年後的今年又發作，呢兩日真係又攬住紙巾盒做人。
食左葯，個人感覺好番點啦~~不過成疊工作等我完成，因為又delay左一大距離，有排先追得番個進度。
要休假，真的要等６月底了。之後準備放暑假，應該又是時候可以輕鬆吓。今年的執屋大計（清潔連大方位轉移），預定需要１４日時間，應該可以輕輕鬆鬆咁完成。

我錯了！我不應該多口！我不應該好管��蟷�！我不應該忘記過往犯的錯是如何令自己嵌入不愉快的景況！
我錯了！我錯了！是我的錯！！！

經過整整一個月非人的生活，我又有空啦！
呢個月過得好累，不過想起黎緊仲有一個地獄生涯等緊我，我不可以說呢個月好辛苦。
因為放埋４月個D假，我又要到７月先有得抖抖。
好開心剛剛呢個星期可以同班娃友一聚，可惜我今次冇帶lati出來，只係帶左pukipuki出去，所以冇影大合照呢！
而且最遺憾是呢個月有花展都冇時間去影相，真係好可惜啊！
惟有等暑假先同女女們去影個夠吧！
今日都好乖，一早起左身，去排隊攞特區護照同回鄉證（港澳同胞通行證）。點解唔網上預約？因為我記起要攞的時候已經太遲了，如果等網上預約，我要４月９日先有位，個日仲要返早，邊攞得切呀？惟有乖乖地自己去排隊啦~~~~~今日遞紙就要等１６號先有證用。復活節都係要留係香港過架啦。不過唔緊要啦，我攞證都唔關復活節去玩事，只不過睇緊暑假會唔會有機會出國之麻！去邊？成行時再講吧！一切都是未知之數呢！！！

過左一個幾舒服的二月，又要開始忙碌工作了。
今次除左要應付三月份的考試之外，亦要應付雜耍班的工作。
當然唔少得要返道壇幫手，還有業主立案法團的工作。真的又要忙起了。

続きを読む

覺得今個星期的時間過得特別快。
是因為今個星期都很開心？
是因為今個星期過得很充實？
是因為今個星期過得很順暢？
樣樣都有啦！
最肯定的是我今個星期的心情真的很不錯！！！

開課三天了, 呢幾日都好梳乎, 因為小朋友們都未正式教書, 功課少到不得了!個個都可以準時放學咁滯 ! (有一個因為功課進度太慢, 比我留堂 )
雖然係咁, 但都過得好忙碌, 因為一放工便去同好友小叙/趕回壇/趕回家執屋 !
而且自上個星期六開始, 每日都要做功課, 真的很滿足呢 !