*All archives* |  *Admin*

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

最後一天的假期

終於要同兩個星期的假期講byebey......

呢兩個星期做過乜?

1) 執屋, 執左足足成個禮拜有多, 依家個廳大左好多, 我可以係上面滾多幾滾, 哈哈哈;
PS, 有人問點解執間屋要執咁耐, 我只可以說, 當你一個人要執成500呎既屋, 仲要執到好似搬屋咁, 你就可以想像得到點解要執咁耐, 而事實上, 有些小地方我已經不停地同自己講: 我睇唔到, 我乜都睇唔到~~~[催眠]

2) 去左寵物同品展, 買左好多小食比班寶貝女, 鬼叫寶貝女唔肯食野, 搞到自己又瘦左成個碼, 於是惟有洗清自己的零用錢, 窮

3) 幫好友搬家, 搞到大家都好似你有唔要就比我啦, 我有唔要就比你啦~~~~不過好似是我比野人地多d喎~~~

4) 狂睇片, 清左一堆買左好耐但一路都冇時間睇既影片, 咁睇法是因為咁啱屋企的上網系統出現問題, 搞到我冇得睇AXN, 惟有睇片解悶~~~不過依家上到黎, POST到日誌就即是話搞掂晒, 原因是電線因用左太耐, 出現老化, 於是乎上唔到網, 睇唔到NOW...整番好就冇事啦~~~但是過程中出現少少驚慌, 因為NOW部機開唔著, 以為部機死左, 點知搞搞吓又搞得番, 放心晒lor, 可以有得睇now就安心晒lor~~~~

5)去左睇harry potter同買埋大結局, 仲要刨埋成本書, 都算唔話得lor~~~~

由明天起, 又要收心養性, 努力工作, 賺錢養家了!!!

スポンサーサイト

Harry Potter

星期六, 一瞓醒覺就去沙田攞書, 發現當日買只需$168, 訂的就比多了, 好在書店送回$30coupon, 不過就要諗吓下次要買甚麼書了...
攞完書, 就去左買飛睇戲, 當然是Harry Potter啦~~~~不過4點幾個幾場都要坐得好前, 於是惟有買6:50, 買完飛, 去左大眾攞新証, 佢地送左個好唔實用的卡片坐, 屋企又多舊垃圾, 不過我應該會攞去救世軍做慈善...
行多陣街, 就去睇戲了, 完場都9點幾了, 於是返屋企, 努力刨大結局
一刨就刨左兩日, 忍左兩日唔上網, 睇完大結局, 都有d唔開心,因為哈利陪伴左我地咁耐, 而家又完了, 好唔捨得, 由其是多左d唔想佢地會死去的人, 亦感有角色在七年中有所成長, 亦是此料不及!!!

大約七成

執屋執左差唔多成個禮拜, 終於執左大約七成, 半成清潔工作, 二成個人文件, 剩下半成是過檔去好友家既, 不過要等好友自己都執好佢間屋,先可以轉而過佢屋企。照咁睇, 應該可以依自己預計的執好成間屋。

執左好多物品, 亦掉左好多野, 遲d仲要清左一些私人珍藏, 例如, 儲埋好多年既水晶/ 書簽/ 信紙/ 玩具同書籍(漫畫/小說......)
好唔捨得哦, 因為佢地都陪左我好多年, 由沙田到馬鞍山再到土瓜灣, 經歷左咁多年, 依家唔可以要佢地, 真的好可惜!!!不過真的唔想佢地再屈係個箱入面, 惟有挑選一些真的可以放棄的拎去掉吧~~~~~~~

累番了

呢幾日都好努力咁係屋企執屋, 不過就比我搞到好似搬屋咁, 認真大陣象~~~~
執屋過程
1) 先將所有書本抹乾淨, 放入膠箱, 擺埋一邊
於是出現左3個膠箱都是書......
2) 將文件擺埋一邊, 於是出左文件山一座
3) 將儲物房的所有物品搬出房, 然後拖地、抹架, 再將所有箱都要抹乾淨, 搬反入房。

剩係最後呢樣, 已經搞到我筋疲力竭, 依家都腰酸背痛, 決定停工一日, 休息下先啦~~~~~~

依家剩番d書同文件未搞, 仲要全屋再掃地/吸塵/拖地, 咁就要搞四隻心肝命掟.......時間就剩番個零禮拜, 唔知搞唔搞得晒呢????

咦...咁娃兒們同埋d vcd / dvd 呢???幾時搞呀???? (er......呢d野....遲d先啦!!!)

7月13日 仔當選日

先黎一早去到爸媽家樓下,發現冇帶鑰匙, 於是飛左二百個大洋來回, 點知上到樓, 發現爸爸居然係屋企, 早知唔駛飛的啦

之後, 同媽咪去睇醫生, 醫生話, 媽咪上次入院已經check左是好番, 今日根本就唔駛覆診......

晚上, 返到屋企,放底行裝, 諗住出街食飯, 點知唔記得左條鑰匙放左係邊.......(放工返到屋企已經熱到溶左, 對鑰匙係邊是毫無記憶), 於是叫好友上來幫手, 誰知好友都唔記得攞鑰匙就已經出左街, 不過好友就幫大懞既我搵番條鑰匙, 終於可以出街食飯了

成日就係咁仔, 所有一切都關鑰匙事~~~~(事實上, 我承認是因為我有早來左既老人痴呆症事)

7月10日 小六學生放榜日

小朋友們放榜了, 好多小朋友都可以到理想中學的入讀, 恭喜晒!!!

我的小朋友就入左 沙田郭得勝(已經敲門轉讀何明華會督銀禧中學)、順聯誼總會胡兆熾中學、樂善堂余近卿中學同埋麗景天主教中學......

恭喜晒!!!

希望你地可以讀得開開心心, 成績大有進步!!!
將來有機會, 我地再次聚首一堂, 再討論吓miss carol究竟有幾咁可惡!!!!wakakakaka......

7月8日 執屋日

呢兩日都好乖啊~~~~
乖乖咁係屋企執屋, 不過執左兩日都只係執左間睡房的一大半, 仲有好多都未執好呢~~~~
睇黎都要加把勁先得啦~~~~目標是7月內要執好全屋....掂我有兩個禮拜大假~~~~加油啊~~~~

7月3日 新的合作

由於領匯趕盡殺絕, 我地所有鋪都要撤走, 娟姊都要走了, 於是我地由今日開始要一起工作了, 不過好多東西都未執好, 睇黎都有排執了

7月2日 樂極生悲

香港回歸十週年
今日就臨時拉夫去左參加中西區的巡遊
好耐都冇做小丑啦~~~~好開心呀, 亦都好緊張唔知會唔會做得唔好

去到會場, 先上體育館化妝
化好妝, 覺得自己好醜樣呀~~~個新wig同個妝好唔襯呀~~~~唔理啦, 冇時間再化, 下次啦~~~

跟住大會宣佈我們要出發啦~~~~不過只是去排隊, 但排左好耐, 等左成大半個鐘先有d跡象行得, 而我已經發左瘋咁四維撩人玩, 好好玩啊, 好開心呀
冇幾耐, 我地就以龜速行到去司令台, 我地成條team d 小丑成日走左去唔知邊個位, 搞到我地隊牌後冇表演者!!!
但天公開始唔掂檔, 下起雨來!!!
去到司令台, 一攞完獎, 天空立即灑大雨...未夠15分鐘, 大會惟有宣佈節目終止......我同好友就沿馬路玩反番去體育館, 當然係成身濕透啦~~~~
不過真是好好玩, 因為我專登買的pink pink水鞋有用啦~~~~可以踢水呀!!!!wakakaka.......
最後, 返到體育館, 一望自己個妝, 死...玩過左龍, 成個樣已經冇左三分之一, 覺得自己好冇用, 肉酸醜怪到不得了......好唔pro啊~~~~嗚...嗚...嗚....呢d咪叫做樂極生悲lor~~~~唉.......
Profile

小丑丑 Cheuki the Clown

Author:小丑丑 Cheuki the Clown
Birthday: 15th June
Pets: Garlic (金毛尋回犬)
芝麻 (三色啡眼家貓)
杏仁 (全白藍眼家貓)
QinQin (歌基)
Dolls: 21 Blythe, 4 Pullip, Ann 清聆 Betsy

最新時間報導

最新事件簿
最新 Comment
丑文分類
文章以月分類
ブロとも申請フォーム

この人とブロともになる

我家好友
歡迎光臨

hit counters
Crutchfield Car Audio

我家相簿

www.flickr.com
This is a Flickr badge showing public photos from clowncarol. Make your own badge here.

上記広告は1ヶ月以上更新のないブログに表示されています。新しい記事を書くことで広告を消せます。