*All archives* |  *Admin*

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

好的唔靈,醜的靈

尋日先講完唔病得,今日就已經feel到中招
先來是感到寒意,個時出面仲好好太陽,晚一點頭有小小燒的感覺(太陽剛下山),回家時開始流鼻水(我已經成個雪人咁係條街行返屋企,返到家煮完餐飯就開始咳了,依家準備食藥跟住去瞓。做乜唔早D食,早D瞓?因為下午食左D中藥,唔敢溝好藥,惟有等到依家先食lor~~~~~~
スポンサーサイト

好凍呀!!!

早兩日都覺得凍架啦~~~尤其是晚上,今日更害,又大風wow,凍到我呀!!!!
好在一早帶定年冷衫,唔係實冷病。
依家孤家寡人一個,病左冇人理會好痛苦,千祈唔好比我病呀~~~

係呢個時候,我的邊爐癮又發作啦!!!!
唔知有冇人同我去食火鍋呢???有就打比我啦~~~
我平日要返到9:00幾,星期六日早D都可以架(放5點),黎啦~~搵埋我去食啦~~~
我真係好恨食火鍋架!!!!

放假日

放假日亦是頹癈日!
瞓足9個鐘,好耐都未試過瞓到下午3點鐘。
瞓醒覺食小小野,就上網同打機,玩足5個鐘,又有D餓,煮左d野食,同d囡囡玩左陣,覆左電郵,又上網再打機,諗諗吓,是喎......未打日記,記吓有幾頹癈都好呀!
明天,我會出街,晒吓太陽,行吓街!星期一再努力工作吧!

牙簽

今日唔覺意做左人地支牙簽,我又唔介意呀,因為有人請食飯喎,有乜所謂啫,係咪?

晚上過左兩套DVD入機,又有片可以係車睇啦~~~~
不過就因為咁,發現左有些片唔可以入機呢,因為有"不准複製”的code係套片度,所以冇得過機,惟有留番係屋企睇啦~~~~

テーマ : 日記
ジャンル : 日記

睡一覺好的

瞓左新床兩日,都不錯呀~~~起碼冇左陣超人憎的貓尿味,冇錯,我之前張床係有陣尿味再加一大陣香味,如果唔係咁,我都唔駛換床褥!!!!
話時話真係幾好瞓,一覺到天光~~~舒服到不得了~~~

尋日又去左街啦~~~入左屯門,為乜?因為bid左一個靚靚的維尼熊鐘~~~不過擺左上牆後,發覺唔係好見到個鐘,因為撞晒色,不過唔理啦~~~我要靚靚鐘~~~
跟手梗係行吓街啦~~~咁難得入到黎,仲撞到一個舊簿餅同事同佢老公,我冇打招呼呀,因為都係佢既舊同事,費事解釋一大餐!不過屯門市中心真係幾好行~~好多野睇,有平有貴,任君選擇,行多兩行,好想買衫天,不過因為開始糧尾,所以好忍心唔買,睇中兩件針織衫,着起好靚架,不過加埋要2百幾,都係等到下個月先lor~~~

テーマ : 独身女性の物語
ジャンル : 独身・フリー

10月忙完了

10月終於忙完了,不過因為11月是小朋友們的測驗考試期,所以忙到依家先可以叫抖一抖!!!!

回顧一下10月做左乜:
成個十月做左一個超唔得人歡心的職位,就是催人化妝,唔好以為叫人化妝好容易,佢地D人成日好多借口,然後就借頭借路去左嘻知邊處度蛇王!!!成個公園咁大,惟有四圍搵啦~~~搵唔到就當然同上司講,上司就去丙人,D人咪就係咁討厭我lor~~~搞到自己都好唔願入去同D同事一齊休息,費事礙住人地對眼啦~~~我都冇眼睇佢地遲出show,早休息的更表,如果又出聲,咁我一定榮登最最最乞人憎的一個人!!!!

最後一日(31/10)因為是平日的關係,我就開唔到工啦~~~不過好準時咁趕晒小朋友回家,然後拿拿林趕回去。一返到公園就走入洗手間化妝,化左個好面妝,著住成套衫褲鞋,效果唔錯架,都嚇得吓人架~~~~臨尾慶功宴,好抵死個名,叫做“不慶,不慶,還需慶”,食左餐飽既~~~仲攞左最佳Escort(6位中的一位),中文叫最佳導遊,冇睇錯,我份合約是寫我做導遊既~~~~獎品是戲飛4張,有排用囉!!!!

完左10月,未抖順條氣,又要準備小朋友們的溫習卷,今年叫做比往年好啦,多左好多校外題,點知據依家派卷回來的情況,好多小朋友都考得好差!!!好唔開心,因為唔知又會唔會有家長走人~~~不過唔理得咁多啦,辛苦左咁多日,一於買野散心~~~

然後,結果係買左勁多野!剩係張床,已經洗左我成二千幾銀~~~
包括三尺海馬鑽石按摩床褥一張,護脊枕頭兩大個, 床單 x2/枕袋x8/床墊x3/被袋x2/柔軟浴簾x1
枕頭買兩個係因為買一送一,柔軟浴簾是用來防止有水滲入床褥,本來睇中宜家的防水床墊,明明買之前二個禮拜仲有貨,點知買個陣因為清貨關係,已經冇我張床的size,剩係得加大雙人,無辦法之下,惟有買住呢個來頂一頂啦~~~~
D野今日都送齊啦~~~等我今晚瞓左先,明天先同大家講究竟一張海馬鑽石按摩床褥加柔軟浴簾加兩張床墊加一張滑滑床單既感覺,同以前剩係一張海馬鑽石按摩床褥加一張起晒毛頭的床單有分別!!!!

唔止睡眠有左保證,當然仲買左其他野啦
登~登~登~就係買左我人生中第一對長靴,6件新衫,一個靚袋,咁又冇左千幾銀~~~仲有架,係我唔知買新電話定為我的蘋果加野的時候,我居然中毒了~~~~衝動下買了一個小小娃~~~於是乎,購買慾因為咁而要宣告停下來,因為仲要留番少少錢儲埋下年用呢~~~

報告到呢度要停啦~~~因為明天(18/11)仲有一個小朋友要測驗,約左佢朝早溫習呢~~明日再說一些趣事比大家知啦~~~

テーマ : 日常
ジャンル : 独身・フリー

Profile

小丑丑 Cheuki the Clown

Author:小丑丑 Cheuki the Clown
Birthday: 15th June
Pets: Garlic (金毛尋回犬)
芝麻 (三色啡眼家貓)
杏仁 (全白藍眼家貓)
QinQin (歌基)
Dolls: 21 Blythe, 4 Pullip, Ann 清聆 Betsy

最新時間報導

最新事件簿
最新 Comment
丑文分類
文章以月分類
ブロとも申請フォーム

この人とブロともになる

我家好友
歡迎光臨

hit counters
Crutchfield Car Audio

我家相簿

www.flickr.com
This is a Flickr badge showing public photos from clowncarol. Make your own badge here.

上記広告は1ヶ月以上更新のないブログに表示されています。新しい記事を書くことで広告を消せます。