*All archives* |  *Admin*

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

有所發現

好耐冇用window 部機上網睇blog啦 ~~~~今日先發現原來之前用mac打既blog都有唔知字走出黎~~~~好奇怪啊~~~~不過冇人話我知有幾奇怪啊~~~~好明顯呢度都係冇乜人睇架啦 ~~~~唔緊要啦 ~~~~我都努力打日記, 唔會比自己懶架啦 ~~~~(鬼唔知你係因為meromeropark兩隻小妖而打!!!)
自從我同自己講要搞工作既野, 今日已經開始啦~~~~仲好有成績, 希望可以早日脫離苦海, 等放農曆假, 唔知今年可以放幾多日呢???上年好似放左7日(初一到初七)好似初八先返工, 今年唔記得lu, 明明放假前已執好記事話放邊日邊日, 不過今日已經完全失憶, 惟有等星期一返工時再check吓啦~~~~~
スポンサーサイト

無所事事

自放假開始,除左頭三天不停去玩外,呢幾日都是在家中渡過,無所事事咁又過左4天,仲有2日,就要回去上班了,一想起堆積如山的工作,我就心寒了,唔得,我決定放肆埋今日,由明天開始,我要趕工,唔要之後晚晚加班加到頭都暈!

1225 過聖誕

好乖咁係屋企過左一個人的節日,6年黎第一次自己過聖誕,又唔會覺得寂寞既,因為有兩愛狗兩愛貓陪我,仲有寄居貓三隻貓,大家一齊食聖誕大餐,幾開心!!!
我的聖誕大餐是肉醬意粉加一大杯阿華田,貓貓狗狗的大餐就是大量零食同罐頭糧,開心到佢地呢~~~

続きを読む

1224 Merry Christmas

We Wish You a Merry Christmas!
We Wish You a Merry Christmas!
We Wish You a Merry Christmas!
And a Happy New Year!!!

祝大家有個開心愉快的聖誕節!!!

我去左大嶼山玩呀,又係因為有魔術表演lor,今次仲好多人咁wow, 梗係趁仲有假期去睇啦`~~~如果唔係我又冇得睇架啦~~~

順手仲上埋大佛,睇住塔中經文唸誦一遍,好想哭~~好面子的我當然唔比自己哭啦~~
去睇埋舍利子,好想跪下求~~~好面子的我當然唔比自己跪啦~~~

過埋今年,下個農曆年前我一定要再去多次,好還願!!!(去哭去跪去吃薺菜去拜佛)
仲要買埋個條令自己好想哭的手串!!!

続きを読む

1223 睇表演

出左去將軍澳睇魔術表演,咁遠都出去的原因當然是有勁人出手啦~~~仲要免費wow,遠一遠都去。
去到表演場地,都未開始,好在,我仲以為會遲天,真好!!!
睇完大師表演,到嘈鬧丑出場,最後估唔到仲請左下年有份去芬蘭參賽的聖誕老人來表演化,好正啊佢既假髮同鬍鬚,當然仲有佢套服裝啦~~~抵佢可以勝出呢個比賽,因為真係用左好多心血同財力!!!
睇完表演,都是時間回家了~~~

累爆

今日一早同小朋友約左去玩,最後大家果然係去九龍城公園踩單車,有些小朋友有得踩,因為一早已經準備好錢,有些小朋友冇得踩,因為冇帶錢,我,當然係唔會比/借錢比佢地踩啦~~~因為我要睇住佢地既物品,所以冇得踩!玩左2個幾鐘,大家都玩得累了~~而且都係時候要走了,所以回補習社。部份人留下繼續為功課努力,其他人比我趕回家,不過我發覺31號有好多人要回來揾我呢~~~唔知到時有幾多小朋友完成到功課比我呢?希望唔會一份都收唔到啦~~~
最後我成4點先回到家,買左壽司回家吃,就累到頂唔順,去左睡了,瞓到1點到,美女朋友打來提醒明天的約會,差點唔記得,約好時間便睡不了,惟有上網,打發時間,陣間再睡吧!!!

趕工

明天是假期前最後一天了,為了趕起小朋友的功課,所以現正趕工中,明天我地就一起去狂歡了,希望大家玩得開心又愉快!!
然後我就可以開開心心放假了~~~
暫定開工日是12月31日,1月1日都要開工呢~~~
冇計,鬼叫我要放假,冇人能阻~~~
大家惟有返學前再努力吧!!!

放完兩日假

放完兩日假,返左兩日工,先深深感受到太耐冇放假的慘況,兩日假真係唔夠喉!不過唔緊要啦,返多三日,又可以放假啦!!!今次仲有成9日大假,應該夠時間比我完成一些好想做而之前冇時間做的野啦~~~只要我的惰性唔重的話!!!

好重呀

今日一早起左身,又係早過返工,先去左左葵芳交收保溫瓶,順路行左陣新都會,都好多野行,不過忍手忍得好緊要先冇洗到錢,然後坐地鐵去左深水埗,今日一大目的地,因為應承左送禮物比小朋友過聖誕,所以今日一定要出來買齊禮物,唔係就要搵日晨咁早出黎,行左3個半鐘頭,大有收穫,不過好重呢~~~~因為有一樽迷你螢光筆,一大盒橡皮,一包扭計骰,兩大包文件袋,兩大包小丑令令筆,4盒3角筆,廿個環保袋,多謝成為四百八十二個大洋,不過原來深水埗好少賣環保袋的鋪,唔知邊度多些呢?因為送環保袋係我呢兩年來的習慣,好過買花紙包完拆完仲要掉,好浪費!!!
行完呢邊,拿拿林回家放底,跟住又出街,諗左好耐究竟出旺角定去黃埔,最後去左黃埔,先去大眾買習作比小朋友做,然後行Trendyland, 冇收穫,再去吉之島,想買個細㷛仔,諗諗吓都是唔買住,下次先,依家個㷛係大左小小,我驚買左個細既,個大的就唔用,都是唔好囖,廿號先啦~~~~有折呀!!!最後去左美心食火鍋,一個人食一鍋,食到乾乾淨淨,但就阻住人地收工,我走的時候已經10:20, 我已經係最後一個客了,好在坐係收銀附近,唔係既話就阻埋人地熄燈~~~
返到屋企已經十一點了,掛住上網同埋準備明天去玩的物品,今日真係豐富的一天!

終於等到啦

終於等到啦~~~就係終於等到放假啦~~~
等左成3個禮拜,終於比我等到啦~~~
但係點解咁多野做既?
咁咪放假都要做死我lor ~~~
O.....殺死我吧!!!!(暈倒!)

用ichat

尋晚用ichat 同朋友仔玩chat,我覺得好玩過MSN,雖然我唔係成日開msn, 不過可以剩係用聲音同人chat, 唔洗打字打到唔知自己打乜,已經好正,(其實msn有冇呢個function呢?),好明顯我係懶人一個,不過就係因為咁,我今朝唔知醒起身,搞到自己遲左5分鐘先返鋪。下次唔好啦~~~

晚上煮左快熟意粉食,近排緊喜歡吃,煮滾水,倒意粉,加小小火腿,已經好好味,仲好飽,因為人地寫話比兩個人份量,但我就一個人食晒,咁樣煮法都唔平架,因為一包都要成$13-17,試過食個些平的,難食到想倒左佢,一係擺到無錢買野食惟有迫住自己食埋佢先清到個幾包難食快熟粉,我提醒左自己,以後都要買貴的黎食,貪平冇好後果呀~~~

無心工作

近日的工作情緒都好差,超唔想做野,返到屋企剩係識上網,睇電視,就算帶部電腦返屋企都唔會開黎做野,死啦~~~工作又堆積如山啦,如果唔想聖誕假係工作中過,睇黎真係要提起精神,努力工作了!
不過可以下星期先嗎?我好想放吓假呀!!!
Profile

小丑丑 Cheuki the Clown

Author:小丑丑 Cheuki the Clown
Birthday: 15th June
Pets: Garlic (金毛尋回犬)
芝麻 (三色啡眼家貓)
杏仁 (全白藍眼家貓)
QinQin (歌基)
Dolls: 21 Blythe, 4 Pullip, Ann 清聆 Betsy

最新時間報導

最新事件簿
最新 Comment
丑文分類
文章以月分類
ブロとも申請フォーム

この人とブロともになる

我家好友
歡迎光臨

hit counters
Crutchfield Car Audio

我家相簿

www.flickr.com
This is a Flickr badge showing public photos from clowncarol. Make your own badge here.

上記広告は1ヶ月以上更新のないブログに表示されています。新しい記事を書くことで広告を消せます。