*All archives* |  *Admin*

スポンサーサイト

上記の広告は1ヶ月以上更新のないブログに表示されています。
新しい記事を書く事で広告が消せます。

假期過後

4日的假期,忙到差點透不過氣來。
第一天去左幫小丑女,再和寶貝女入醫院做結紮手術,再搵小丑女,再接寶貝女回家。 
第二天,下午約了賣家交收,然後行左陣銀城,跟住約左iris同成班娃友一同吃飯。最後再一齊去銀城行過圈,很高興可以幫Benny 仔們找到一對合腳的鞋子,各個Benny 媽都迫不及待地一人一對。
第三天在家呆左成日,睡左起碼十多個小時,晚上去小丑女家執拾第二日的行裝,因為要準備出show呢我~~~~
第四日開show,好耐都未做過小丑啦,幸好有幫手,如果唔係,一定手忙腳亂。主人家就很高興,仲比多左錢我地,我好爽快比左三分一過阿好幫手,然後我們一同去shopping, 錢又飛走了,結果收回來的錢無晒!(唔,女人內衣果然好貴,但又真係要好着的,一定不是數十元貨色可以比擬。)
回到工作岡位,都要成3日先習慣,下次要再有長假,應該是4月頭,有三日,不過有兩日已經有約,又是冇的抖的放假日。
スポンサーサイト

復活節假

昨天很忙, 早上11時已經到了將軍澳幫手出show我事情,雖然幫得不多, 但好過無, 起碼小丑女可以順利拎住兩個行李箱大模斯樣上巴士, 跟着趕回家同阿囡去太平道(沒錯, 又去養和睇醫生), 今次是做絕育手術。阿囡可能諗住阿媽咁好死同佢去街街, 點知是掉底佢係人地度, 仲要係佢個肚度開左一刀, 依家係屋企勁痴身, 簡直係我去邊, 佢就一定係我附近出現。
放底阿囡係獸醫度後, 我就去左食下午茶, 然後去剪頭髮, 都是冬頭, 今次個蔭有些弧度, 不是平腳, 不太滿意, 下次唔去呢間剪。諗住去捐血,點知搵唔到, 又唔記得事先查地址,於是都是搵唔到, 算數!睇下時間, 夠鐘去醫生度, 打個電話問診所,睇吓阿囡點,要問醫生, 所以要等, 慢步行去醫生度,去到門口就收到電話要晚上6點後先可以接囡,計一計時間,仲趕得切去接小丑女放工,於是乘地鐵趕往坑口,不過小丑女都要等左我成15分鐘先去到。
同小丑女回到土瓜灣,期間接到電話話7點半先接阿囡,於是放底行裝,去吃了點麵,夠時間接阿囡啦(終於)。因為麻醉藥的關係,阿囡呆到呢,用了很長時間才能認出我係佢阿媽,回到家, 阿囡一於施展貼身膏藥的秘技,痴住阿媽實一實,搞到阿媽原來諗佢入籠,等佢唔駛跳高上床都實現唔到。
由早行到晚,我都很累了,早早上床去睡了。期待Iris之聚!

破相了

昨晚同兩名寶具女去街街,點知Garlic因嫉忌另一金毛美男狗,於是兇人地,點知比反咬一口,耳朵被咬小一個洞,我為保護愛女,趁有位置走入狗群中保護愛女,被狗兒的牙撞到眼角。
第一時間止血,然後到友人家處理傷口,發現傷口有兩小個,亦因為是撞到引致受傷,所以腫了起來。今天一早,待診所開門了,立即和Garlic預約醫生,因為她的私家醫生指定在太平道,(自嘲為香港人的養和,超貴的一間寵物診所)所以荷包又不見了錢,好在醫生說不太嚴重,只需早晚抺清毒藥水,再加抗生素,應該可以了,不過這幾天都要戴頸圈,以免有白痴狗抓破傷口。
QinQin在事發時就冷眼旁觀,好在她沒有加入戰團,如果有的話,我會發癲。

放假大混亂

昨晚教育署特然宣佈學校放假兩個星期,小朋友們開心都暈,我同家長就擔心到暈,因為他們原定放假後考試或測驗或評估,現在老師未能完成教程就要放假,學校的措施當然是將所有事順延。於是我今日不停上網,不定時更新資料,終於等到六時半,所有學校網站更新完成,兩間學校順延一個星期才測驗或考試,一間就將評估順延至五月。
所有小朋友以為沒有功課,誰不知學校要求學生下星期一回校取家課,小朋友們都大失所望。最慘的是一個六年級的學生,昨天下午才去教育營,原定3日2夜的畢業營就用了一日便要回家了。

中貓毒

近排比貓貓電到暈得一陣陣
先比我家Fairyland puki電中左,再比Luts的貓貓電中埋,依家又比lati的Cat ver電到死死吓......
睇黎我家將會有一窩小貓咪......

lati cat ver


lati cat ver 2


決定了

決定了,星期日(16/3)去花展。

因為星期六想在家休息一天,所以都是星期日先出去花展了,希望花花未咁快殘啦~~~~~

勁累

昨晚幫小丑妹妹整理今日要用的東東,又傾吓計,搞到半夜三更先返屋企,但仲要整今日小朋友要用的溫習巻,整完都夠鐘返工了。
放工後,即刻上瑜珈,做完先食午飯,買埋出show 用的物品,在旺角行左成3個鐘,係時候回家了。累得我呢,等我休息一會,小睡一會,用寶貝女沖涼就可以趕明日去街的事了。
快快讓我去睡吧!

學瑜珈

近期去左學瑜珈,好乖咁隔日上堂,上完堂好似叉電機咁叉足電,精神度不得了。

點解無啦啦走去學瑜珈,因為人大了,精神同體力都不理想,身體狀況也不大如前,但又不想做gym, 緩步跑又嫌悶,所以都是上一些要付款又有人陪的活動,希望可以改善到身體機能。

短期目標是拉番鬆整個人的筋骨,將水泡身型改為葫蘆身材,伴隨多年的byebye肉真是可以說聲再見。唔.......事實上呢個是長期作戰計劃,大家幫我加油吧!!!

想去花展

參考資料: http://clowncarol.blog70.fc2.com/blog-entry-219.html

不知道大家有沒有興趣去花展同囡囡影相呢?
我在15/16號放假,會找一天入花展影相相‧
如果你們都有意去的話,留言給我或者打給我啦 ~~~~

學習新事物

一直以來,都想學習新事物,可惜學習是而需要時間和金錢,這兩樣東西對我來說最缺乏的是金錢‧直到今年新年,奇特地得到了一封超大紅封包,於是除了買東西給自己和留錢修整房子外,我決定去學新事物‧為時整整一年,希望不用一年後,就可以見到成果!!!
Profile

小丑丑 Cheuki the Clown

Author:小丑丑 Cheuki the Clown
Birthday: 15th June
Pets: Garlic (金毛尋回犬)
芝麻 (三色啡眼家貓)
杏仁 (全白藍眼家貓)
QinQin (歌基)
Dolls: 21 Blythe, 4 Pullip, Ann 清聆 Betsy

最新時間報導

最新事件簿
最新 Comment
丑文分類
文章以月分類
ブロとも申請フォーム

この人とブロともになる

我家好友
歡迎光臨

hit counters
Crutchfield Car Audio

我家相簿

www.flickr.com
This is a Flickr badge showing public photos from clowncarol. Make your own badge here.

上記広告は1ヶ月以上更新のないブログに表示されています。新しい記事を書くことで広告を消せます。