FC2ブログ

*All archives* |  *Admin*

新年記

今年新年過得很充實‧
年30晚先回家一趟,, 然後返家再執左小小屋, 零晨同好友一起去左花墟行年宵市場, 一個小時就逛完了, 可想而知今年真的沒有甚麼好逛, 再往花墟行多一個小時, 諗住摘唔到桃花, 點知係另一個位置又比我搞到, 很高興, 依家仲開得好令令......

年初一, 一早起身回家拜早年, 下午返道壇與恩師以及同門師兄姊拜年, 很儘興 !!!

年初二, 同Garlic和QinQin開年, 一起沖了個令涼, 晚上去好友家整蛋散, yummy!!!

年初三, 同Garlic和Qinqin一起返壇, 佢地第一次返壇咋, Garlic自己行樓梯, 一支箭咁標到壇門, 令我們個個都好驚訝!!!玩足一日, 大家都好累了!!!不過可以飽足一頓, 真好 !!!

年初四, 我就可以在家好好地休息了一整天, 甚麼也不願做, 只是不停地看tv, 咁又一天了 !!!

這個新年真好 !!!

祝大家 今年心想事成, 萬事順景!!!

好忙碌的一月

整個一月都好忙碌,先忙於小朋友的考試,考完試後即忙於展覽工作,忙於之後就忙執屋。
今日一整天都執緊屋,洗左大鋼門,清左六大箱雜物,抺埋家中的玻璃,搬返部分雜物入房。今晚洗埋家中小丑擺飾同水晶就大功告成,明天再努力整理洗手間同廚房仲有CD架。年三十晚再換埋新床單,換梳化套再洗埋D衫,咁今年的大掃除就完滿結束。希望一切都趕得及啦!!!

2009年第一篇

09年的第一件事係同阿姐甜品的老闆們食佢地既一周年開業大餐,有醉雞鍋食,好好味道!!!
09件的第二件事是返道壇,下午一上壇便遇到我姨,原來姨丈出事了,問佢不如比個勝燈位過佢地,我姨就就說不用了,佢地都做了祈福燈,同埋佢地都相信大家都會平平安安!
09年的第三件事係同拍擋傾黎緊1月16及17日的展覽內容。
這一日真的非常充實!

休息了數天,身體同心靈都得到充分的休息,再接再,過年前都唔駛旨意有得抖一抖,要忙到年廿九要有得休了。

在此祝大家
新年快樂! 新年進步! 萬象更新!

十二月了

距離我上一次寫blog足足有半個多月了,這半個月都沒法好好休息,因為每天都是工作、工作、再工作。雖然星期六日都是早返早返,但畢竟沒有好好地比個人靜一靜的話,對我真是一種很重的負擔。當然沒有哈囉喂時間咁死啦,因為都有出來見吓人。
今日,終於可以休息了,但因昨晚趕住走,有小朋友未完成工課,於是都要早早回去工作。然後就去同人迫。去邊?電腦節的地方﹣深水土步是也。
經驗是早去早着數,晚去得個迫。
因為今日早早去到,都仲有一些位是比較空曠,越夜就越多人,行都行唔到,以我的身高更睇唔到有買,只得個行字。
咁我買左?有8GB Flash Drive(imation Atom手指), 16GB SD Card for Eeepc,320GB External HDD (Freecom入相個款),電腦套for Eeepc,一個可以行Draft N 的Router(Belkin)。多謝成為千五元多小小。比我預期中用多了,但要用就要買,怕之後不再是這個價錢,更怕要買平野要等下年電腦展(8月)。
本來想買多個老鼠,但左彈右彈下,都是沒有買。
想買LCD TV,但太突然了,在沒有做reseach的情況下,都唔知邊部好,邊部唔好,都是唔買了。
想買Belkin的防電擊的拖板,不過最後都沒有買,因不清楚自己用係邊,都是唔買了。
想買mini HiFi for ipod,但搵唔到合心意的,又冇買。
睇見Micosoft的office 2007 for Students and Teacher特價699,有心動,但都沒有買,雖然是可以比3部機用,但我要黎做乜,家有Keynote 同 office for mac,公司有Sun Star office,要咁多黎做乜?都是唔買了。
所以我都鍚住錢來買野了。(是要告訴大家我不是敗家女啊!)

輕鬆的日子

雖說是輕鬆的日子,但也要上班工作,只是不用全天上班,也不用上完早班要趕返下午加晚班。
星期六早上先去新界北代課,下午慢慢地回樂富上堂,黃昏已可回到家中,還可以修一修頭髮。
星期日早上又返樂富上課,下午去朋友家幫忙看家,晚上回沙田探一探爸媽,十點九回到家,執吓狗狗家,咁又一天啦!真的是很輕鬆呢!
下星期再一班便去大嶼山玩了!期待中!

回復平靜

終於完左磨人的哈囉喂!我解脫了!
不過黎緊要忙的是小朋友的考試/測驗,都不可以說可以好好地休息,但起碼不用擔心做到比人係背後插。
我過埋呢兩個月就可以在來年1月好好地休息了(農曆新年有7日大假)。

近況

是時候倒數了!仲有3天就完哈囉喂了!我還要返多兩日工,然後正常工作多兩個星期先可以休一日半半日。
今年真係做得好唔開心,D人真係好離譜!
做得唔好當然比人鬧,但是做得好又唔見比人讚。其他人做事不認真,但人人都支持佢地;做事認真的人就沒有人理,仲要做箭靶,日日比人插。這是一個甚麼世界!!!
同流合污,人人一齊做錯事才是正路;揸正黎做,就人人喊打!呢個世界係咪真係冇晒規矩,大家都是打份工遮!
好彩,今年的心理準備都幾足,我一開始已經講明我額頭鑿左「$$$」,今年返去真係為錢,下年如果好彩,唔需要短時間內搵舊錢,一定唔返!
(其實今年真的返得都幾不願,而且如果唔係老細攬我,我都唔會返得到!老細,我撐你!)
Profile

小丑丑 Cheuki the Clown

Author:小丑丑 Cheuki the Clown
Birthday: 15th June
Pets: Garlic (金毛尋回犬)
芝麻 (三色啡眼家貓)
杏仁 (全白藍眼家貓)
QinQin (歌基)
Dolls: 21 Blythe, 4 Pullip, Ann 清聆 Betsy

最新時間報導

最新事件簿
最新 Comment
丑文分類
文章以月分類
ブロとも申請フォーム

この人とブロともになる

我家好友
歡迎光臨

hit counters
Crutchfield Car Audio

我家相簿

www.flickr.com
This is a Flickr badge showing public photos from clowncarol. Make your own badge here.